لاہور:وفاقی وزیر رانا ثناء اللہ نے کہا ہے کہ پاکستان کی دفاعی تنصیبات پر حملہ ایک بڑا اور ناقابلِ معافی جرم ہے، جس پر قانون کے مطابق کارروائی ناگزیر ہے۔ انہوں نے واضح کیا کہ سزاؤں کا سلسلہ اسی وقت رکے گا جب ایسے اقدامات سے باز آیا جائے گا۔
رانا ثناء اللہ نے کہا کہ اسلام آباد میں مسلح افراد کو ساتھ لایا گیا، جو کسی بھی صورت قابلِ قبول نہیں۔ ان کا کہنا تھا کہ قانون ہاتھ میں لینے والوں کے خلاف ریاست کو سخت مؤقف اپنانا پڑتا ہے تاکہ امن و امان قائم رکھا جا سکے۔
انہوں نے مزید کہا کہ لڑائی، جھگڑا اور فساد کسی بھی قوم کو آگے نہیں بڑھا سکتا، بلکہ اس سے صرف انتشار اور نقصان جنم لیتا ہے۔ رانا ثناء اللہ نے زور دیا کہ مسائل کا حل تشدد کے بجائے مکالمے اور آئینی دائرے میں رہ کر تلاش کیا جانا چاہیے۔
