کیلیفورنیا : ایکس (جو پہلے ٹوئٹر کے نام سے جانا جاتا تھا) نے آخرکار اپنا نیا چیٹ پلیٹ فارم متعارف کرادیا ہے، جس کا وعدہ کمپنی نے کافی عرصے سے کیا تھا۔ یہ نیا چیٹ فیچر ایکس کے ڈائریکٹ میسجز (DMs) کی جگہ لے گا اور صارفین کو میسجنگ کے حوالے سے کئی نئے اور بہتر فیچرز فراہم کرے گا۔
نئے چیٹ پلیٹ فارم میں وائس اور ویڈیو کالنگ، فائل شیئرنگ، اور میسجز کو ایڈٹ یا ڈیلیٹ کرنے جیسے فیچرز شامل ہیں۔ اس میں ایک اضافی سیکیورٹی فیچر بھی موجود ہے، یعنی اینڈ ٹو اینڈ انکرپشن، جس کے ذریعے میسجز کو مکمل طور پر محفوظ بنایا جا سکے گا۔ اس کے علاوہ، اگر کوئی صارف کسی میسج کا اسکرین شاٹ لے گا تو دوسرے صارفین کو نوٹیفکیشن ملے گا۔
فی الحال یہ چیٹ پلیٹ فارم صرف آئی او ایس ڈیوائسز اور ایکس کے ویب ورژن پر دستیاب ہے، جبکہ اینڈرائیڈ صارفین کو اس فیچر کے لیے کچھ وقت انتظار کرنا ہوگا۔ کمپنی نے یہ بھی کہا ہے کہ وہ ایک اور فیچر پر کام کر رہی ہے جس کے ذریعے صارفین وائس میمو بھی بھیج سکیں گے۔
یہ نیا چیٹ پلیٹ فارم حالیہ برسوں میں کئی بار آزمایا جا چکا ہے اور 2025 کے آغاز میں اس کا ابتدائی انکرپٹڈ ورژن جاری کیا گیا تھا، تاہم مئی میں اسے روک دیا گیا تھا۔ کمپنی نے دعویٰ کیا ہے کہ اب گروپ میسجز اور میڈیا فائلز کو بھی انکرپشن کی مکمل حفاظت حاصل ہو گی، جو ماضی کے مقابلے میں ایک اہم پیش رفت ہے۔
