پنجاب کے شہر بورے والا میں گاڑی کے سامان کی خریداری کے پیسے مانگنے پر سب انسپکٹر کا دکاندار پر تھانے لے جاکر مبینہ بہیمانہ تشدد سب انسپکٹر اپنے ساتھیوں کے ہمراہ چارپائی سے باندھ کر کپڑے اتار کر تشدد کرتا رہا سب انسپکٹر نے دکاندار سے پاؤں پکڑوائے اور ناک بھی زمین پر رگڑوائی گئی ۔
تفصیلات کے مطابق بورےوالا میں لاہور روڑ پر واقع گاڑیوں کے اسپیئر پارٹس کی دکان سے انسپکٹر محمد آصف نے خریداری کی کے بعد بل کے پیسے مانگنے پر تھانہ سٹی میں تعینات سب انسپکٹر محمد آصف نے دکاندار رحمان علی کو تھانے لیجاکر ساتھیوں کے ہمراہ چارپائی سے باندھ کر کپڑے اتار کر مبینہ طور پر بہیمانہ تشدد کا نشانہ بنا ڈالا۔
سب انسپکٹر نے دکاندار سے اپنے پاؤں پکڑوائے اور زمین پر ناک بھی رگڑوائی اور ویڈیوز بھی بناتے رہے بہیمانہ تشدد سے دکاندار کی حالت غیر ہونے پر دکاندار کے خلاف جھوٹا مقدمہ بھی درج کر لیا اور 60 ہزار روپے رشوت بھی وصول کی گئی ہے۔
متاثرہ شخص کو میڈیکل رپورٹ کے لیے ڈسٹرکٹ اسپتال منتقل کر دیا گیا دکانداروں کا سب انسپکٹر اور اس کے ساتھیوں کے ہمراہ دفتر ڈی ایس پی کے باہر احتجاج اور ملزمان کے خلاف کارروائی کا مطالبہ بھی کیا ہے۔
