ویب ڈیسک: متحدہ عرب امارات ( یو اے ای) کی وزارت تعلیم نے تیسرے سمسٹر کے لیے مڈٹرم بریک اور عید الاضحی کی تعطیلات کا اعلان کیا ہے۔
خلیج ٹائمز کی رپورٹ کے مطابق متحدہ عرب امارات کی وزارت تعلیم نے اعلان کیا کہ تیسرے سمسٹر کے لیے مڈٹرم بریک اور عید الاضحی کی تعطیلات 25 سے 29 مئی تک ہوں گی۔ تعطیلات تمام طلباء، اساتذہ اور عملے کے لیے ہیں۔
جب ان تعطیلات کو ہفتہ وار تعطیلات (ہفتہ اور اتوار) کے ساتھ ملایا جائے تو یہ ایک طویل وقفہ بن جاتا ہے:
اس طرح طلبہ کو مسلسل 9 دن کی چھٹی ملے گی، یہ وقفہ امتحانات سے عین قبل دیا گیا ہے تاکہ طلباء فائنل امتحان کی تیاری سکون سے کریں۔
وزارت تعلیم کے منظور کردہ شیڈول کے مطابق تعلیمی سرگرمیوں کی ترتیب حسب ذیل ہو گی۔
یکم جون کو اسکول دوبارہ کھل گئے۔
15 اور 16 جون کو امتحان
17 جون اسلامی نئے سال کی سرکاری تعطیل ہے۔
24 جون سے 3 جولائی تک فائنل امتحانات
تعلیمی سال کا آخری دن 3 جولائی۔
متحدہ عرب امارات میں 17 مئی کو ہلال کا چاند نظر آئے گا، اس بنیاد پر عیدالاضحی کا پہلا دن 27 مئی (بدھ) یا 28 مئی (جمعرات) ہونے کا امکان ہے، جس کا حتمی فیصلہ چاند نظر آنے کے بعد کیا جائے گا۔
