لاہور :قومی کرکٹ ٹیم کے کپتان محمد رضوان نے کہا ہے کہ آئی سی سی چیمپئنز ٹرافی کی تیاری کے لیے جنوبی افریقہ کے خلاف ون ڈے سیریز بڑی اہمیت رکھتی ہے۔
میڈیا سے گفتگو کرتے ہوئے رضوان نے کہا کہ انہیں یقین ہے کہ کھلاڑی اپنی کامیابی کی کارکردگی دہرانے میں کامیاب ہوں گے۔ انہوں نے مزید کہا کہ اگرچہ ٹی20 سیریز میں مطلوبہ نتائج حاصل نہیں ہو سکے، لیکن کھلاڑیوں کی کارکردگی سے وہ مطمئن ہیں۔
رضوان نے نوجوان کھلاڑی صائم ایوب کی تعریف کرتے ہوئے کہا کہ ان کی بیٹنگ دونوں میچز میں شاندار رہی، اور ٹیم میں جنوبی افریقہ جیسی مضبوط ٹیم کو شکست دینے کی پوری صلاحیت موجود ہے۔
واضح رہے کہ پاکستان اور جنوبی افریقہ کے درمیان ون ڈے سیریز کا آغاز کل سے ہو رہا ہے۔ پہلا میچ پرل میں کھیلا جائے گا جو ڈے اینڈ نائٹ ہوگا اور پاکستانی وقت کے مطابق شام 5 بجے شروع ہوگا۔
