اسلام آباد : صدر مملکت نے پارلیمنٹ کا مشترکہ اجلاس کل بروز منگل کو طلب کر لیا ہے۔ ذرائع کے مطابق اس اجلاس میں متعدد اہم بلز پیش کیے جانے کا امکان ہے، جن میں صحافیوں اور میڈیا ورکز کے تحفظ کا بل شامل ہے۔ اس کے علاوہ پارلیمنٹ کے اجلاس میں اقلیتوں کے حقوق کمیشن کا بل اور پاکستان اینیمل کونسل کا بل بھی پیش کیا جا سکتا ہے۔
یہ پارلیمنٹ کا مشترکہ اجلاس 9 ماہ بعد ہو گا، جس میں اہم سیاسی شخصیات، بشمول پیپلز پارٹی کے چیئرمین بلاول بھٹو زرداری اور جمعیت علمائے اسلام کے سربراہ مولانا فضل الرحمن بھی خطاب کریں گے۔ موجودہ حالات میں اس اجلاس کو بہت اہمیت دی جا رہی ہے، کیونکہ اس میں مختلف اہم امور پر بحث کی جائے گی۔
