شمالی کوریا نے کچرے سے بھرے تھیلے غباروں سے باندھ کر جنوبی کوریا میں گرا دیے، سڑکوں پر کوڑا بکھرا دیکھ کر شہری پریشان ہوگئے۔
جنوبی کوریا کے حکام نے لوگوں کو سڑک پر بکھرے کچرے سے دور رہنے کی ہدایت کردی، متاثرہ مقامات پر فوج اور کیمیائی، بائیولوجیکل تفتیشی ٹیمیں تعینات کر دی گئیں۔
اس اقدام پر جنوبی کوریا نے شدید احتجاج کرتے ہوئے کہا کہ شمالی کوریا کا یہ اقدام عالمی قانون کی خلاف ورزی اور شہریوں کی سلامتی کو شدید خطرے کا سبب ہے، شمالی کوریا ایسی غیرانسانی اور گری ہوئی حرکتیں کرنا بند کرے۔
شمالی کوریا کا کہنا ہے کہ اقدام جنوبی کوریا کی کارروائیوں کے جواب میں کیا گیا، جنوبی کوریا اکثر غباروں، ڈرونز کے ذریعے پروپیگنڈا پمفلٹ، کھانے، ادویات شمالی کوریا میں بھیجتا رہتا ہے۔
