(ویب ڈیسک): سرچ انجن گوگل نے اپنی سالانہ رپورٹ “ایئر ان سرچ 2025” جاری کر دی ہے۔ 2025 میں بھی پاکستانی قوم پر کرکٹ کا بخار سر چڑھ کر بولا، جبکہ ٹی وی ڈراموں اور مصنوعی ذہانت (AI) کے ٹولز نے بھی ٹاپ سرچز میں جگہ بنائی۔
گوگل ٹرینڈز کے مطابق سال 2025 کی اہم ترین کیٹیگریز اور سرچز کی تفصیلات درج ذیل ہیں:
1. کرکٹ کا جنون (Top Trending Searches)
ہر سال کی طرح 2025 میں بھی ” کرکٹ” سب سے زیادہ سرچ کیا جانے والا موضوع رہا۔ ٹاپ ٹرینڈنگ سرچز کی فہرست میں تقریباً تمام بڑے نام کرکٹ میچز اور ٹورنامنٹس کے رہے۔
نمایاں سرچز: پاکستان بمقابلہ جنوبی افریقہ (Pakistan vs South Africa)، پاکستان سپر لیگ (PSL)، ایشیا کپ، پاکستان بمقابلہ انڈیا، اور آئی سی سی چیمپئنز ٹرافی۔
کرکٹرز: کھلاڑیوں میں صائم ایوب (Saim Ayub)، یاسر خان، کاشف علی اور سیف حسن کے بارے میں جاننے کے لیے شائقین سب سے زیادہ متجسس رہے۔
2. خبریں (Local News)
مقامی خبروں کی کیٹیگری میں حکومتی اسکیموں اور قدرتی آفات سے متعلق معلومات حاصل کرنے کا رجحان دیکھا گیا۔
نمایاں سرچز: “پنجاب سوشیو اکنامک رجسٹری” (Punjab Socio-Economic Registry) اس سال کی سب سے بڑی نیوز سرچ رہی۔ اس کے علاوہ کراچی میں سیلاب (Karachi Floods)، ایران کی صورتحال، اور “آسان کاروبار کارڈ” بھی ٹاپ ٹرینڈز کا حصہ رہے۔
3. انٹرٹینمنٹ اور ڈرامے (TV Dramas)
پاکستانی ڈراموں نے ڈیجیٹل دنیا میں بھی اپنی مقبولیت کے جھنڈے گاڑے ہیں۔
ٹاپ ڈرامے: 2025 میں ڈرامہ سیریل “شیر” (Sher) سب سے زیادہ سرچ کیا گیا۔ اس کے بعد “جڑواں”، “آس پاس”، “نقاب” اور “مہرا” جیسے ڈراموں نے ناظرین کو گوگل پر سرچ کرنے پر مجبور کیا۔ “دنیا پور” (Dunyapur) اور “میری زندگی ہے تو” بھی ٹاپ لسٹ میں شامل رہے۔
سال 2025 میں پاکستانیوں نے جدید ٹیکنالوجی، خاص طور پر مصنوعی ذہانت میں گہری دلچسپی ظاہر کی۔
نمایاں سرچز: ” گوگل اے آئی اسٹوڈیو” (Google AI Studio) اور “کلاڈ” (Claude) جیسے اے آئی ٹولز سرفہرست رہے۔ اس کے علاوہ آئی فون 17 (iPhone 17) اور کرپٹو کرنسی سے متعلق “نان فنجیبل ٹوکن” (NFT) کی سرچز بھی نمایاں رہیں۔
5. “کیسے کریں؟” (How-to)
پاکستانی عوام نے روزمرہ کے مسائل کے حل کے لیے بھی گوگل کا سہارا لیا۔
سب سے زیادہ پوچھے گئے سوالات میں “کراچی ای چالان کیسے چیک کریں؟” سر فہرست رہا۔
اس کے علاوہ “انسٹاگرام پر ان سینڈ (unsent) میسجز کیسے دیکھیں”، “کار انشورنس کیسے کروائیں” اور “کرپٹو مارکیٹ میں سرمایہ کاری کیسے کریں” جیسے سوالات بھی کثرت سے پوچھے گئے۔
6. کھانے پینے کے شوقین (Recipes)
کھانوں کی تراکیب میں “مٹن ریسیپیز” (Mutton Recipes) سب سے زیادہ سرچ کی گئیں۔ اس کے علاوہ آسان ریسیپیز، توفو (Tofu) اور بیف ریسیپیز بھی پاکستانی دسترخوان کا حصہ بننے کے لیے سرچ کی گئیں۔
