واشنگٹن: ایوارڈ یافتہ معروف اینیمیٹڈ سیریز دی سمپسنز کے رائٹر اور اسٹیج ڈائریکٹر ڈینیئل انتھونی مک گراتھ فالج کے باعث انتقال کر گئے ہیں۔
غیر ملکی خبر ایجنسیوں کے مطابق، ڈین مک ٹی وی اور مزاحیہ تحریر کی دنیا میں ایک معتبر اور بااثر نام تھے۔ انہوں نے جاپان اور چین کی تاریخ اور سیاست میں تعلیم حاصل کی، حالانکہ جاپانی زبان کے تمام کورسز میں ناکامی کا سامنا کیا۔ اس کے باوجود وہ ہارورڈ لیمپون میں بطور رائٹر، ایڈیٹر اور کارٹونسٹ کام کرتے رہے۔
ہارورڈ یونیورسٹی میں تعلیم حاصل کرنے کے دوران، ڈین مک گراتھ ایم آئی ٹی (MIT) میں کمپیوٹر گیمز ڈیزائن کرنے میں بھی مصروف رہے۔ انہوں نے سرکاری اسپتالوں، کلینکس اور ایمرجنسی وارڈز میں طویل عرصہ خدمات سرانجام دیں۔
ٹیلی ویژن کی دنیا میں ان کا باقاعدہ آغاز سیٹرڈے نائٹ لائیو (SNL) میں رائٹر کے طور پر ہوا، جہاں انہوں نے کرس فارلے اور ایڈم سینڈلر جیسے معروف فنکاروں کے ساتھ کام کیا۔ اس کے علاوہ، انہوں نے متعدد مشہور ٹی وی شوز کے لیے بھی تحریری خدمات فراہم کیں۔
بعد ازاں، انہوں نے دنیا کی سب سے مقبول اینیمیٹڈ سیریز دی سمپسنز کی ٹیم جوائن کی، جہاں انہوں نے متعدد اقساط کے شریک مصنف کے طور پر کام کیا اور ان کی خدمات کو ایمی ایوارڈ سے نوازا گیا۔
ڈینیئل مک گراتھ کی وفات انڈسٹری میں ایک عظیم خلا چھوڑ گئی ہے، اور انہیں ان کی تخلیقی صلاحیتوں اور مزاحیہ تحریروں کے لیے ہمیشہ یاد رکھا جائے گا۔
