(ویب ڈیسک ) صدر مملکت آصف زرداری نے کہا کہ ، پاکستان پُر امن ملک ہے، ہم بھارت سے جنگ نہیں چاہتے، دوبارہ جنگ مسلط کی گئی توپہلےسےزیادہ اور بڑےسرپرائز دیں گے۔
وزیراعظم شہباز شریف نے گورنر ہاؤس لاہور میں صدر مملکت آصف علی زرداری سے ملاقات کی۔ملاقات میں گورنر پنجاب سلیم حیدر اوراسپیکر قومی اسمبلی ایاز صادق بھی موجود تھے۔
وزیر اعظم اور صدر مملکت کی ملاقات میں بھارت سے سیز فائر کے بعد کی صورتحال اور مسلسل جارحیت کی دھمکیوں پر بھی تبادلہ خیال کیا گیا ۔اس کے علاوہ وزیر اعظم شہباز شریف نے صدر آصف زرداری کو اپنے غیر ملکی دوروں پر اعتماد میں لیا۔
ذرائع کے مطابق اس موقع پر صدر مملکت آصف زرداری نے کہا کہ پاکستان نےجنگی میدان میں اس صدی کی نئی تاریخ قائم کی، پاکستان پُر امن ملک ہے، ہم بھارت سے جنگ نہیں چاہتے، دوبارہ جنگ مسلط کی گئی توپہلےسےزیادہ اور بڑےسرپرائز دیں گے۔
اس موقع وزیر اعظم شہباز شریف نے کہا کہ دنیا پاکستان کی جنگی مہارت کی معترف ہوگئی، عالمی سطح پرپاکستان کے مؤقف کی حمایت ہی اصل میں ہماری جیت ہے۔
انہوں نے کہا کہ پاکستان چین، ترکیہ، آذربائجان دوستی ایک نئے باب کا آغاز ہے، سفارتی وفد بھارت کے جھوٹ کے جواب میں دنیا کے سامنے اپنا موقف رکھے۔
Source link
