ویب ڈیسک: بھارتی اسٹار بلے باز ویرات کوہلی نے شاندار فارم میں واپسی کے ساتھ 5 سال بعد آئی سی سی ون ڈے بیٹنگ رینکنگ میں سرفہرست مقام حاصل کر لیا ہے۔
آئی سی سی کی تازہ ترین رینکنگ اپ ڈیٹ کے مطابق، کوہلی نے 785 پوائنٹس کے ساتھ پہلی پوزیشن پر قبضہ کیا، جب کہ روہت شرما 775 پوائنٹس کے ساتھ دوسرے نمبر پر آ گئے۔ 37 سالہ کوہلی نے 2 اپریل 2021 کے بعد پہلی بار یہ مقام حاصل کیا، جب انہیں روہت شرما کو پیچھے چھوڑتے ہوئے نمبر ون پوزیشن ملی۔ نیوزی لینڈ کے آل راؤنڈر ڈیرل مچل 784 پوائنٹس کے ساتھ دوسرے نمبر پر ہیں۔
کوہلی نے اپنے کیریئر میں ایک اور بھارتی ریکارڈ قائم کیا ہے، وہ مسلسل 7 اننگز میں 50 یا اس سے زائد اسکور بنانے والے پہلے بھارتی کھلاڑی بنے ہیں، جن میں سے 5 اسکور بھارت کی نمائندگی کرتے ہوئے ہیں۔ اس کے علاوہ، انہوں نے وجے ہزارے ٹرافی میں بھی سینچری اور نصف سینچری اسکور کی ہیں۔
Here is Latest ODI Rankings
???????????????????? ???????????????????? has once again become the New No.1 ODI batter. The King reclaims his throne pic.twitter.com/SfRoUgGP2d
— ???????????????????????? (@Shebas_10dulkar) January 14, 2026
پاکستان کے فاسٹ بولر سلمان مرزا نے سری لنکا کے خلاف پہلے ٹی20 میچ میں 3 وکٹیں حاصل کرنے کے بعد 16 درجے ترقی پاتے ہوئے 19ویں پوزیشن حاصل کی۔ بیٹنگ میں صاحبزادہ فرحان ایک درجہ بہتری کے ساتھ 5ویں نمبر پر پہنچ گئے، جبکہ کپتان سلمان علی آغا 13 درجے ترقی کے بعد 41ویں پوزیشن پر آ گئے۔
پاکستان کے آل راؤنڈر صائم ایوب ایک درجہ نیچے گئے، جس کے نتیجے میں زمبابوے کے سکندر رضا نے پہلی پوزیشن دوبارہ حاصل کر لی۔
